पूरेत्वा पारमी सब्बे सब्बे पच्चेक नायको।
सीवली गुण तेजेन परित्तं तं भणामहे।
न जालितीति जालितावी आ. ई. ऊ. आम ई. स्वाहा।।
बुद्धसामि — बुद्धसत्यम्१.
पदुमुत्तरो नाम जिनो सब्बधम्मेसु चक्खुमा।
इतो सतसहस्सम्हि कप्पे उप्पज्जि नायको।।२.
सीवली च महाथेरो सो रहो पच्चयादिनं।
पियो देवमनुस्सानं पियो ब्राह्मण मुत्तमो।
पियो नाग सुपण्णानं पीणिन्द्रं नमामहं।।३.
नासं सीमं च ये सीसं नाना जालिनिसञ्जलिं।
सदेव मनुस्स पूजितं सब्बलाभा उपेन्तु मे।।४.
सत्ताहं द्वारमूळ्होहं महा दुक्खसमप्पितो।
माता मे छन्ददानेन एवमासि सुदुक्खिता।।५.
केसेसु छिज्जमानेसु अरहत्तमपापुणि।
देवा नागा मनुस्सा च पच्चयानुपनेन्ति मं।।६.
पदुमुत्तर नामञ्च विपस्सिं च विनायकं।
सं पूजयं पमुदितो पच्चयेहि विसेसतो।।७.
ततो तेसं विसेसेन कम्मान विपुलुत्तमं।
लाभं लभामि सब्बत्थ वने गामे जले थले।।८.
तदा देवो पणीतेहि ममत्ताय महामति।
पच्चयेहि महावीरो ससङ्घो लोकनायको।।९.
उपट्ठितो मया बुद्धो गन्त्वा रेवतमद्धस।
ततो जेतवनं गन्त्वा एतदग्गे ठपेसिमं ।।१०.
रेवतं दस्सनत्थाय यदा याति विनायको।
तिंस भिक्खुसहस्सेहि सह लोकग्ग नायको।।११.
लाभीनिं सीवली अग्गो मम सिस्सेसु भिक्खवो।
सब्बलोक हितो सत्था कित्तई परिसास मं।।१२.
किलेसा झापिता मय्हं भवा सब्बे समूहता।
नागोव बन्धनं छेत्त्वा विहरामि अनासवो।।१३.
स्वागतं वत मे आसि बुद्धसेट्ठस्स सन्तिकं।
ततिस्सो विज्जा अनुप्पत्तो कतं बुद्धस्स सासनं।।१४.
पटिसम्भिदा चतस्सो च विमोक्खापि च अट्ठमो।
छळभिञ्ञा सच्छिकता कतं बुद्धस्स सासनं।।१५.
बुद्धपुत्तो महाथेरो सीवली जिन सावको।
उग्गतेजो महावीरो तेजसा जिन सासनं।।१६.
रक्खन्तो सील तेजेन धनवत्तो यसस्सिनो।
एवं तेजानुभावेन सदा रक्खन्तु सीवली।।१७.
कप्पट्ठायीति बुद्धस्स बोधिमूले निसीदयि।
मारसेनप्पमद्दन्तो सदा रक्खन्तु सीवली।।१८.
दस पारमितपत्तो पब्बजि जिन सासने।
गोतम सक्यपुत्तोसि थेरेन मम सीवली।।१९.
महा सावका असीतिंसु पुण्णत्थेरो यसस्सि सो।
भवभोगे अग्ग लाभीसु उत्तमो तेन सीवली।।२०.
एवं अचिन्तिया बुद्धा बुद्ध धम्मा अचिन्तिया।
अचिन्तियेसु पसन्नानं विपाको होति अचिन्तियो।।२१.
तेंस सच्चेन सीलेन खन्ति मेत्त बलेन च।
तेपि मं अनुरक्खन्तु सब्ब दुक्ख विनासनं।।२२.
तेंस सच्चेन सीलेन खन्ति मेत्त बलेन च।
तेपि मं अनुरक्खन्तु सब्ब भय विनासनं।।२३.
तेंस सच्चेन सीलेन खन्ति मेत्त बलेन च।
तेपि मं अनुरक्खन्तु सब्ब रोग विनासनं।।२४.