पटिसङ्खा योनिसो चीवरं पटिसेवामि, यावदेव सीतस्स पटिघाताय उण्हस्स पटिघाताय डंसमकस वातातपसिरिंसपसम्फस्सानं पटिघाताय यावदेव हिरिकोपीन पटिच्छादनत्थं।
पटिसङ्खा योनिसो पिण्डपातं पटिसेवामि, नेव दवाय, न मदाय न मण्डनाय न विभूसनाय यावदेव इमस्स कायस्स ठितिया यापनाय विहिंसूपरतिया ब्रह्मचरियानुग्गहाय इति पुराणञ्च वेदनं पटिहङ्खामि नवञ्च वेदनं न उप्पादेस्सामि यात्रा च मे भविस्सति अनवज्जता च फासुविहारो चाति।
पटिसङ्खा योनिसो सेनासनं पटिसेवामि, यावदेव सीतस्स पटिघाताय उण्हस्स पटिघाताय, डंसमकसवातातपसिरिंसपसम्फस्सानं पटिघाताय यावदेव उतुपरिस्सय विनोदनं पटिसल्लानारामत्थं।
पटिसङ्खा योनिसो गिलानपच्चय भेसज्ज- परिक्खारं पटिसेवामि, यावदेव उप्पन्नानं वेय्या- बाधिकानं वेदनानं पटिघाताय अब्यापज्जपर- मतायाति।