बुद्ध पूजा

बुद्ध पूजा

निवेदयामि सम्बुद्धं – वीतरागं महामुनिं।

निमन्तयामि सुगतं – लोकजेठं नरासभं

यावता भगवा लोके – तिट्ठेय्य तव सासने।

तावता पटिग्गण्हातु – पूजा लोकानुकम्पया

प्रदीप (दीपक) पूजा

घनसारप्पदित्तेन – दीपेन तमधंसिना

तिलोकदीपं सम्बुद्धं – पूजयामि तमोनुदं,

सुगन्ध धूप की पूजा

सुगन्धिकाय वदनं – अनन्त गुण गन्धिना

सुगन्धिनाहं गन्धेन – पूजयामि तथागतं

पुष्प पूजा

वण्ण गन्ध गुणोपेतं – एतं कुसुम सन्ततिं

पूजयामि मुनिन्दस्स – सिरीपाद सरोरुहे

पूजेमि बुद्धं कुसुमेननेन – पुण्णेन मेतेन लभामि मोक्क्खं

पुप्फं मिलायति यथा इदं मे – कायो तथा याति विनासभावं

जल की पूजा

सुगन्धं सीतलं कप्पं – पसन्न मधुरं सुभं

पानीयमेतं भगवा – पटिग्गण्हातु मुत्तमं

भोजन पूजा

अधिवासेतु नो भन्ते – भोजनं परिकप्पितं

अनुकम्पं उपादाय – पटिग्गण्हातु मुत्तमं

अधिवासेतु नो भन्ते – सब्बं सद्दाय पूजितं

अनुकम्पं उपादाय – पटिग्गण्हातु मुत्तमं

चैत्य वन्दना

वन्दामि चेतियं सब्बं सब्बठानेसु पतिट्ठितं।

सारीरिक-धातु महाबोधिं, बुद्धरूपं सकलं सदा॥

बोधि वन्दना

यस्स मूले निसिन्नो व सब्बारि विजयं अका

पत्तो सब्बञ्ञुतं सत्था वंदे तं बोधि पादपं ॥

इमे हे ते महाबोधि लोक नाथेन पूजिता

अहम्पि ते नमस्सामि बोधिराजा नमत्थुते ॥