ये सन्ता सन्त चित्ता तिसरण सरणा
एत्थ लोकन्तरे वा भुम्मा भुम्मा च देवा,
गुण - गण - गहण, ब्यावटा सब्ब कालं ।
एते आयन्तु देवा, वरकनकमये
मेरुराजे वसन्तो, सन्तो सन्तो सहेतुं,
मुनि - वर - वचनं, सोतु मग्गं समग्गं ॥
सब्बेसु चक्कवालेसु, यक्खा देवा च ब्रह्मणो ।
यं अम्हेहि कतं पुञ्ञं, सब्बसम्पत्तिसाधकं ।
सब्बे तं अनुमोदित्वा, समग्गा सासनें रता ।
पमाद - रहिता होन्तु, आरक्खासु विसेसतो ॥
सासनस्स च लोकस्स, वुद्धी भवतु सब्बदा ।
सासनम्पि च लोकञ्च, देवा रक्खन्तु सब्बदा ॥
सद्धिं होन्तु सुखी सब्बे, परिवारेहि अत्तनो।
अनीघा सुमना होन्तु, सह सब्बेहि ञातिभि ॥
राजतो वा, चोरतो वा, मनुस्सतो वा, अमनुस्सतो वा, अग्गितो वा, उदकतो वा, पिसाचतो वा, खाणुकतो वा, कण्टकतो वा, नक्खत्ततो वा, जनपदरोगतो वा, असद्दम्मतो वा, असन्दिट्ठितो वा, असप्पुरिसतो वा, चण्ड - हथी - अस्स - मिग - गोण - कुक्कुर अहि - विच्छिका - मणिसप्प - दीपि - अच्छ - तरच्छ - सूकर - महिस - यक्ख - रक्खसादिहि नाना भयतो वा, नाना रोगतो वा, नाना उपद्दवतो वा, आरक्खं गण्हन्तु ।