बाहुं सहस्समभिनिम्मितसायुधन्तं,
गिरिमेखलं उदितघोरससेनमारं ।
दानादि धम्मविधिना जितवा मुनिन्दो,
तं तेजसा भवतु ते जयमंगलानि ॥१॥
मारातिरेकमभियुज्झित - सब्बरत्तिं,
घोरम्पनाालवकमत्थयक्खं ।
खन्ति सुदन्तविधिना जितवा मुनिन्दो,
तं तेजसा भवतु ते जयमंगलानि ॥२॥
नालागिरिं गजवरं अतिमत्तभूतं,
दावग्गिचक्कमसनीव सुदारुणन्तं ।
मेत्तम्बुसेकविधिना जितवा मुनिन्दो,
तं तेजसा भवतु ते जयमंगलानि ॥३॥
उक्खित्तखग्ग - मतिहत्थ सुदारुणन्तं,
धावंतियोजनपथंगुलिमालवन्तं ।
इद्धीभिसंखतमनॊ जितवा मुनिन्दो,
तं तेजसा भवतु ते जयमंगलानि ॥४॥
कत्वान कट्ठमुदरं इव गभ्भिनिया,
चिन्चाय दुट्ठवचनं जनकायमज्झे ।
सन्तेन सोम विधिना जितवा मुनिन्दो,
तं तेजसा भवतु ते जयमंगलानि ॥५॥
सच्चं विहाय मतिसच्चकवादकेतुं,
वादाभिरोपितमनं अतिअन्धभूतं ।
पञ्ञापदीपजलितो जितवा मुनिन्दो,
तं तेजसा भवतु ते जयमंगलानि ॥६॥
नन्दोपनन्दभुजगं विभुधं महिद्धिं,
पुत्तेन थेरभुजगेन दमापयन्तो ।
इद्धूपदेसविधिना जितवा मुनिन्दो,
तं तेजसा भवतु ते जयमंगलानि ॥७॥
दुग्गाहदिट्ठिभुजगेन सुदट्ठहत्तं,
ब्रह्मं विसुद्धि जुतिमिद्धि बकाभिधानं ।
ञाणागदेन विधिना जितवा मुनिन्दो,
तं तेजसा भवतु ते जयमंगलानि ॥८॥
एतापि बुद्ध जयमंगल अट्ठ गाथा,
यो वाचको दिनदिने सरते मतन्दी ।
हित्वान नेकविविधानि चुपद्दवानि,
मोक्खं सुखं अधिगमेय्य नरो सपञ्ञो ॥९॥