मोर (परित्त) सुत्तं

दिवसं

उदेतयं चक्खुमा एकराजा, हरिस्सवण्णो पठविप्पभासो।

तं तं नमस्सामि हरिस्सवण्णं पठविप्पभासं,

तयज्ज गुत्ता विहरेमु दिवसं। 1

ये ब्राह्मणा वेदगू सब्बधम्मे,

ते मे नमो ते च मं पालयन्तु।

नमत्थु बुद्धानं नमत्थु बोधिया,

नमो विमुत्तानं नमो विमुत्तिया।

इमं सो परित्तं कत्वा, मोरो चरति एसना। 2

रत्तिं'

अपेतयं चक्खुमा एकराजा, हरिस्सवण्णो पठविप्पभासो।

तं तं नमस्सामि हरिस्सवण्णं पठविप्पभासं,

तयज्ज गुत्ता विहरेमु रत्तिं। 3

ये ब्राह्मणा वेदगू सब्बधम्मे,

ते मे नमो ते च मं पालयन्तु।

नमत्थु बुद्धानं नमत्थु बोधिया,

नमो विमुत्तानं नमो विमुत्तिया।

इमं सो परित्तं कत्वा, मोरो वासमकप्पयीति। 4

मोर (परित्त) सुत्तं निट्ठितं